Les mots surlignés font l'objet d'une note
1Monsieur, estant asseuré que messieurs d’Ourche et du Chastellard
2vous ont adverty de ce qu’a esté négotié puys l’arrivée de Michallon,
3je ne vous en feray aultre redicte, mais seullement vous remercieray bien
4humblement la bonne volonté quil vous plaict de pourter à mon frère [et]
5à moy, vous asseurant, monsieur, que mondit frère et moy navons jamais
6rien plus désiré que à jamais vous demeurer bien humbles serviteurs,
7comme nous serons en tout ce qu’il vous plairra nous emploier et
8commander. Pour lasseurance que jay que mondit frère vous yra baiser
9les mains et recepvoir voz commandemens, je ne feray ceste plus
10longue que pour vous salluer de mes très humbles recommandations à votre
11bonne grâce et prier Notre Seigneur qui vous doint
12Monsieur en parfaicte santé très heureuse et longue vie. De Paris, le
13XXIIe jullet 1572.
14Votre plus humble et obéissant serviteur
15Fr[anç]ois Flehard
16